A Pisa no Courel

Festa da Pisa da castaña en Froxan, Courel

Secar, pisar e abandoxar: as tres fases do proceso que recrea esta festa. O significado da palabra non se relaciona cos pés, senón con malleira ou azoute e refírese ao método tradicional de preparación das castañas para a conservación e o consumo, que se aplicaba na Serra do Courel

As castañas sécanse previamente nun sequeiro co fume dunha fogueira durante non menos de tres semanas. Unha vez feito isto, para pelalas métenas nun saco que se golpea, pisa, entre dúas persoas repetidamente contra un tronco ou calquera outra superficie sólida.

Para completar o proceso, o contido da bolsa, con castañas e as tonas, aínda debe pasarse polo bandoxo, unha bandexa grande que se usa para separar a froita das cascas.

Cando se manexan ben, as castañas quedan no bandoxo e a súa pel seca acaba no chan.

Bolboretas

Bolboretas

En Icod de los Vinos, (Tenerife), xunto ao Drago Milenario, entre máis de 800 bolboretas exóticas de todo o mundo voando libremente. Pode verse como nacen, como se reproducen.

Arredor de 800 bolboretas de zonas tropicais de todo o mundo voan na Casa das Bolboretas. Dado que a súa vida útil é de só 2-3 semanas, sempre podes atopar novas especies no xardín. Pódense ver máis de 150 especies diferentes ao longo do ano.

“Trajineras en Xochimilco cd México

As orixes de Xochimilco remóntanse ao período preclásico mesoamericano, cando as súas costas e illas albergaban pobos diversos. A comezos do posclásico, Xochimilco era un importante pobo que foi sometido polos mexicas no século XV. Desde entón ata a década de 1960, o territorio de Xochimilco converteuse nun dos provedores de alimentos da capital mexicana.

Iste pobo constrúe unhas embarcacións ás que chaman “Trajineras”, que utilizan para o transporte de mercadorías e de persoas. Hoxe o uso máis importante é o paseo de turistas, tanto de fóra coma os do propio país.

Trajinera é unha embarcación de fondo plano, propulsada por un longo remo ou vara que descansa no fondo dos canais de Xochimilco, esta bara tamén se utiliza para o manexo da barca. Sorprende a destreza das persoas que conducen esta barcas nun espazo ateigado de trajineras.

Paseo por Amsterdam

Ámsterdam.

O seu nome deriva de Amstel Dam, indicativo da orixe da cidade: unha presa (dam) no río Amstel, que se atopaba no que hoxe é a praza Dam. Asentada como unha pequena aldea de pescadores no século XII, Ámsterdan chegou a ser un dos portos máis importantes do mundo no século XVII, durante a Idade de Ouro Neerlandesa, como resultado dos seus innovadores desenvolvementos no campo do comercio.