Á tardiña pousan as Garzas cinzentas no bico das árvores, no pozo das Lixelas. Polo día campan pola ría á procura da mantenta e, xá satisfeitas, enféitanse e arranxan para pasar a noite no abeiro das Brañas de Sada. O seu aspecto lizgairo, o seu andar pousón e a súa sobria fardamenta, dánlles un aquel elegante e distinguido. Velaí vai unha escolla da última sesión fotográfica que partillamos no pasado domingo.