Foto de rúa II
Ler, ese gran pracer
No bar, na rúa, no parque, no bus, no banco, no metro, no tren, no porto, … sempre ler é un pracer.
“Tres Hombres” en Ares.
Tres Hombres é leva o nome de tres amigos que iniciaron enerxicamente un novo movemento de transporte marítimo limpo en 2007. Conecta o roteiro do bergantín sen motor Tres Hombres de América do Sur, Central e do Norte e Europa. Transporta mercadorías sostibles, orgánicas e de produción tradicional e converteuse nun brillante exemplo de transporte alternativo e de todo o movemento de transporte de mercadorías. Hoxe é embaixador mundial do transporte de mercadorías a vela e transporta ata 40 toneladas dos produtos producidos e comercializados de forma xusta.
Bos exemplos disto son o ron Tres Hombres, o cacao, o café e o aceite de oliva!
O barco estivo fondeado varios días en decembro de 2024 en Ares, onde se tomaron estas fotografías; posteriormente seguiu a súa singradura rumbo á illa da Palma, Canarias.
Para máis información ver a web da compañía Fairtransport, propietaria do “Tres Hombres”: https://fairtransport.eu/en/our-fleet/tres-hombres-2/
ALTRI NON!!
Xornada memorabel en Compostela ( 15/12/2024), con 100.000 manifestantes (segundo La Coz, así que aínda habiamos seren mais) acudindo á convocatoria de Ulloa Viva.
Ate tres veces enchéuse a praza do Obradoiro para dar acollida ao río contra da ALTRI, Greenalia e a Xunta do PP. O “goberno” cipaio de Rueda, vendido aos intereses das transnacionais, por vez de defender os intereses do país, manobra con descaro para encher o peto propio e mais dos que traen a ruína, a contaminación e a perpetuación dun modelo colonial insostíbel e caduco.
Mas o país está en pé, con forza e teimosía, porque esta loita témola que gañar!!
Santa Eulalia de Oscos (en eonaviego: Santalla d’Ozcos)
O municipio está situado na zona occidental de Asturias e está enmarcado dentro da comarca dos Oscos, rexión designada como Reserva da Biosfera pola UNESCO xunto con outros catro municipios asturianos e sete galegos que forman a Reserva da Biosfera do Río Eo, Oscos e Tierras de Burón.
Limita ao norte con Villanueva de Oscos, ao sur e ao oeste coa provincia galega de Lugo, e ao leste limita con Villanueva de Oscos, San Martín de Oscos e Grandas de Salime.
Ten unha superficie de 47,12 quilómetros cadrados. A principal vía de acceso ao municipio é a estrada AS-27, que chega dende o Alto de La Garganta.
