ESPAZOS DA MEMORIA
Espazos da Memoria, pretende mostrar aqueles espazos e ou monumentos de singular importancia para a nosa memoria histórica.
Móstranse imaxes, localizacións e indicacións que faciliten a súa visita, para contribuír á reflexión e a evitar o esquecemento de feitos que trouxeron morte e sufrimento, pero tamén miseria económica, política, social e cultural.
Tempos que non desexamos que volvan.
[FGAL id=1678]
[FGAL id=1915]
O lazo foi un signo de reivindicación en varios periodos da Historia, tanto para temas relacionados con enfermidades como en guerras, castástrofes, desaparicións de persoas ou inxustizas por motivos políticos.
En occidente a cor amarela ten un valor negativo: febre amarela, prensa, sindicatos,.. os actores e actrices soen evitar esta cor nas súas representacións. Sen embargo, en oriente considérase a cor da sabiduría e da cultura.
Durante a Guerra de Sucesión Española (1700-1714) os defensores dos Habsburgo (fundamentalmente a Coroa de Aragón) luciron lazos de cor amarela nos seus chapeus, mentres que os seguidores dos Borbóns (a Coroa de Castela) levábanos de cor azul.
En Cataluña a partir da declaración da República (2017) e o encarceramento de líderes políticos tomouse este símbolo como reivindicación para a súa posta en liberdade. O lazo loce en innumerables edificios, prazas, rúas e nas solapas de moitos cataláns e catalanas.
Próximamente iníciase (12-2-2019) o xuízo dos políticos encarcelados
OLLO DE VIDRO AB (Ollo de vidro – Alexandre Bóveda) é un colectivo de fotografía e imaxe fundado en 1985, integrado na Agrupación Cultural Alexandre Bóveda da Coruña e, aínda que conta cunha longa traxectoria nesta cidade, inicia unha nova andaina, sabedor da importancia que teñen a imaxe, as novas tecnoloxías e a fotografía en particular, na sociedade que nos tocou vivir, tanto como expresión artística como medio de expresión de ideas, situacións e sentimentos.
Comprometémonos coa cultura e a lingua de Galiza, dende as diversas maneiras de fluír creativas, no xeito de vivir e de sentir da nosa xente; sempre en conciliación solidaria coas diversas culturas e s distintas maneiras de entender e de estar no mundo.
As actividade do colectivo centrarase no eido da imaxe e a linguaxe creativa, en todos os seus aspectos, especialmente aplicados na fotografía.
A participación no colectivo e nas súas actividades, está aberta a tódalas persoas interesadas que partillen o noso plantexamento.
Torre Caldaloba, situada no concello de Cospeito, formou parte da fortaleza onde a filla do mariscal Pardo de Cela, dona Constanza de Castro e seu esposo Fernán Arias de Saavedra resistiron tres anos o asedio de López de Haro, enviado polos reis Católicos para dobregar a resistencia dos nobres galegos. Ultimo reduto despois de ter sido decapitado Pardo de Cela en Mondoñedo. A rendición o cabo de tres anos de loita foi debida ao mal estado das aguas do pozo do castelo. Esta fortaleza foi completamente destruída, permanecendo en pé a torre de homenaxe, fermoso exemplar da arquitectura da época. Este reduto estaba defendido por catro foxos de notábel profundidade, que aínda hoxe poden apreciarse. En 1998 os profesores Santiago Huerta Fernández i Gema López Manzanares, da Universidade Politécnica de Madrid, apuntalaron partes da torre mediante vigas de madeira que actualmente se encontran en mal estado. Será posibel restaurar e salvar esta xoia do noso património histórico?
[FGAL id=1704]
