Wikipedia:
A refinería da Coruña é unha infraestrutura petrolífera situada entre os municipios de Arteixo e A Coruña.1 As instalacións son propiedade de Repsol, con sede en Madrid, e teñen unha capacidade de refino de 120 000 barrís por día e unha superficie dunhas 150 hectáreas.
En 1961 o Ministerio de Industria autorizou a Marathon Oil Company e á Compañía Ibérica Refinadora de Petróleos, S.A. (Petroliber) a construción dunha refinería de petróleo no norte de España.2 En 1962 decídese construíla na Coruña. As regulacións de 1964 suxeriron unha distancia mínima de 2000 metros ata o centro de poboación máis próximo. Ese terreo baldío que separaba a refinería da cidade da Coruña sería o futuro polígono da Grela. En sucesivas ampliacións, a refinería chegou ao municipio de Arteixo. A refinería foi inaugurada o 11 de setembro de 1964.
En 1985 as instalacións pasaron a mans da estatal ENPETROL, que ese mesmo ano absorbera a Petroliber.34 Cruzando a cidade desde o porto ata a refinería hai 14 tubaxes cun diámetro de 15 cm a 60 cm. Un oleoduto de 6,5 km que atravesa a cidade para levar petróleo do porto á refinería e produtos refinados da refinería ao porto.
