Os Patexeiros son unha esforzada e activa asociación que recupera e mantén embarcacións tradicionais e todo canto ten a ver coa cultura tradicional mariñeira .
Co gallo da celebración da Feira Modernista de Sada, a A.C.M. Patexeiros botóu ao mar boa parte da súa flota e realizou unha exhibición fronte a praia das Delicias. Foi ben gorentoso gozar das evolucións destas antigas e belas embarcacións, mostra da rica variedade de tipoloxías das embarcacións tradicionais galegas, froito das diferentes funcións (artes de pesca ou o transporte), das características da costa e o mar (no agocho das rías ou no mar aberto) e mais da influencia recibida ao longo do tempo doutras culturas, nesta encrucillada de mares que é Galiza.
Asociacion cultural en defensa da conservación do patrimonio marítimo, o litoral e a cultura mariñeira Os Patexeiros.
Contacto: ospatexeiros@gmail.com. www.patexeiros.org
