O Campo da rata é un espazo situado nun extremo da península da Torre, na cidade da Coruña. Neste lugar foron fusiladas moitas persoas, demócratas e libres. Hoxe é un espazo de lecer e de reflexión, onde están situados varios monumentos que nos recordan tempos escuros.
[FGAL id=4491]
Un monólito levantado no alto da Cruz dá Maceira, situado na carreteira de Pontevedra a Moaña, practicamente equidistante dos cascos urbanos dos cinco concellos da comarca do Morrazo, homenaxea ás persoas que foron fusiladas, neste lugar, pola ditadura franquista durante o ano 1936, por ser republicanos ou simplemente sospeitosos de non aceptar as imposicións do réxime militar do franquista.
O monumento consiste nunha pedra levantada sobre unha sólida base, no lugar onde se realizaban as execucións e que conten un poema de Celso Emilio Ferreiro:
“Pode o corpo ser vencido
pode o dereito ser torto
mais o lume que alampea
máis o lume que alampea
xamais o veredes morto”.
A Cruz da maceira, nos limites de Marín con Moaña
42.332068, -8.716708
PO-313, Moaña, Pontevedra, España
http://mapcoordinates.co.nf/?q=42.332068,-8.716708
Mapa Coordenadas: https://goo.gl/za7XD6
O acordo e a vivencia presente
fai que non sexamos
tristes mortos viventes.
Xa sabemos que non hai canto
que poida calar
ao silencio enterrado en mil cunetas.
Manolo Graña
[FGAL id=2406]
José Francisco Gómez de la Cueva, coñecido por Johán Carballeira, nacido en Vigo o 13 de febreiro de 1902 e fusilado na Caeira (Poio) o 17 de abril de 1937, foi un xornalista e político galego, asentado en Bueu.
Monumento a Johán Carballeira, pseudónimo de José Gómez de la Cueva, poeta, xornalista e alcalde de Bueu no período republicano, de febreiro a xullo de 1936, fusilado en abril de 1937.
O monumento está situado á entrada do porto de Bueu, foi esculpido en granito por Manuel Paz Mouta e mostra un gran libro tridimensional aberto.
Nel están gravados dous dos seus poemas:
-E o día que
o fondo de bondade
do pobo quede
ceibe,
non haberá
forza meirande
que a súa.
-A praia
unha amante
escrava do mar,
bérralle,
zurrégalle,
e vaina
bicar.
Situación
42.326909, -8.787306
Rúa de Montero Ríos, 133, 36937 Bueu, Pontevedra, España
http://mapcoordinates.co.nf/?q=42.326909,-8.787306
Mapa Coordenadas: https://goo.gl/za7XD6
[FGAL id=2414]
No lugar de Pedre, concello de Cerdedo-Cotobade, provincia de Pontevedra, e á veira da cuneta atópase un monumento que recorda o fusilamento de Secundino Bugallo e Francisco Arca, asasinados, coma tantos, por defender a liberdade ea dignidade.
Cerdedo, Galicia, 36121, España
42.51973, -8.443643
Cerdedo, Galicia, 36121, España
http://mapcoordinates.co.nf/?q=42.51973,-8.443643
Mapa Coordenadas: https://goo.gl/za7XD6
Só os mortos viventes se esquecen dos mortos,
os acordos ármannos
para inventar futuros
e non rematar nunhas mediocres
colleitas de trampas e avaricias,
coas que se amasa a morte
e se fai da vida
un cemiterio de baleiros tristes.
Manolo Graña
[FGAL id=2395]
O Monumento á Memoria “ Campo da Memoria”, Situado na Seara, Poio, é unha homenaxe ás persoas que sufriron o exilio político e a emigración.
Este monumento deseñado por Adolfo Pérez Esquivel, Premio Novel da Paz, atópase no concello de Poio, onde naceu o seu pai.
Foi construído pola Escola de Canteiros/as de Poio, nel están gravados os nomes de Rosalía de Castro, Alexandre Bóveda e Castelao.
Prendamos o sol
Prendamos o sol cada mañá
para facer que medre o pan de xustiza
e poidamos voar libres
sen pedir permiso
e sen donos que vivan por nos.
Compartamos a palabra
a risa e a resistencia
e escaparemos do esquecemento
e soñaremos coas pálpebras cheas de terra nai.
Manolo Graña
Situación:
42.437734, -8.693451
Campo da Memoria, 4ª Travesía Seara, Poio, Galicia, 36995, España
http://mapcoordinates.co.nf/?q=42.437734,-8.693451
Mapa Coordenadas: https://goo.gl/za7XD6
[FGAL id=2423]
