Etiqueta: Fragas do Eume

Fragas do Eume

Declarado Parque Natural en 1997, a zona protexida comprende unha área moi extensa de 9.000 hectáreas en torno ao propio curso do río Eume.
Estas fotografías foron realizadas ao longo do roteiro que vai desde o Centro de Interpretación ata o Mosteiro de Caaveiro; nelas podemos comprobar o penoso estado da estrada na que transcorre dita roteiro.
Desde a Semana Santa de 2023, o autobús que salvaba os 7 quilómetros de estrada desde o Centro de Interpretación ata as inmediacións do Mosteiro de Caaveiro non está en funcionamento debido ao mal estado do firme.

Fragas que agochan segredos

Os camiños das Fragas do Eume conducen á historia agochada do noso pasado máis recente. Seguindo o curso do río, e dos pequenos regatos que acaban nel, pódense atopar lugares nos que se as árbores falasen, darían fe do acontecido e teriamos algo máis que vagas ideas que se confunden e mesturan. Foi nesta zona onde agardaron a Constantino e Pedro que viñan da festa, foi nesta zona onde finalmente apresaron a dous enlaces da Guerrilla e onde finalizaron os seus días. Mais será aquí onde sempre serán tamén lembrados, nunha fraga que este outono recibiu á súa familia co mesmo misterio de entón. Crúzanse as historias e non ten ninguén claro se viñan da Santa Mariña ou de onde. Se estaban sós, se alguén os denunciou… o único evidente é que foi aí, aí mesmo. Testemuña directa a dun home, José, que daquela puido ver un feito que o deixou marcado. Grazas a todos os homes e mulleres que fan historia viva. Constantino e Pedro, sempre na memoria.

[FGAL id=3848]

 

Uso de cookies

Utilizamos cookies propias e de terceiros, como Google Analytics, para optimizar a túa navegación e realizar tarefas de análise. Entendemos que estás conforme se continúas navegando nesta web. Política de cookies

ACEPTAR
Aviso de cookies