Nenos a pintar o Futuro.
Nenos que eran o futuro que é hoxe.
Maiores a ollar o tempo que vai, lembrando con saudade (?) o tempo que foi.
Parque de Santa Margarida, A Coruña, anos 1982 – 83. Festa do Día das Letras da A.C. Alexandre Bóveda.
No bico dun outeiro arroupado de verdor, que sobranceia a cidade da Coruña, o parque de Santa Margarida acolle as horas de lecer dos xubilados, o paseo dos namorados, o encontro discreto, a brincadeira dos cativos, as reviravoltas das mascotas e seus devotos, e mais a visita do curioso á Casa das Ciencias e do paseante ocasional que precura vagar, a carantoña das árbores a medio do asfalto e un lugar de acougo, a medio do doente trafego urbanita.
O Parque de Santa Margarita é un parque situado no centro xeográfico da cidade da Coruña, no barrio homónimo.
Foi ata hai poucos anos o maior en superficie da Coruña, con 51.723 m². Rodeado de cidade por todas partes garda aínda os aromas do monte antigo: piñeiros e eucaliptos, e outras tradicións populares como a romaría de Santa Margarita (celebrada a última fin de semana de agosto).
A lomba elévase ata uns 60 metros sobre o nivel do mar onde outrora existían muíños de vento, dos cales aínda quedan restos, sendo un deles rodeado dun estanque para aves acuáticas. Rehabilitouse un antigo palacete construído nos anos 40 que acolle desde 1985 o elemento máis significativo do parque e pioneiro na historia dos museos interactivos: a Casa das Ciencias.Merece unha mención a representación escultórica dos anciáns, fundida por X. Piñeiro.
[FGAL id=3944]
Achégase o outono, as follas caen, os camiños vístense de amarelo, laranxa… natureza morta, e fuximos da realidade cotiá entre os muros do verdadeiro remanso de paz da cidade. Son camiños de pedra, vellos edificios, mais sobre todo, nestas datas, silenzo e baleiro. Perdémonos por eses camiños e temos a certeza de que, aínda que na cidade, estamos a facer unha viaxe, e percibimos o cambio de estación con toda a súa forza.
[FGAL id=3800]
