Nos tempos nos que o porto da Coruña non restrinxía o paso aos peóns, aproveitaba eu para pasealo demoradamente e, ao tempo, apreixar no “caixón escuro” canto atraía a miña atención. Entre moitas outras cousas, chamábanme os xogos de lus e cor na auga, dos que estas imaxes son unha pequecha mostra. Trátase de imaxes dixitalizadas a partires das vellas diapositivas, algunhas delas afectadas polos fungos que tanto temíamos… así que, habedes perdoar as chatas que amosan!
Nos recuados tempos nos que o porto da Coruña era accesíbel aos peóns, aproveitaba eu para pasealo demoradamente e, de paso apreixar, no “caixón escuro”, canto chamaba a miña atención daquel entorno tan querencioso para mín. Entre moitas outras cousas chamábanme os xogos de lus e cor na auga, dos que estas imaxes son unha pequecha mostra.
Son imaxes dixitalizadas a partires de vellas diapositivas, algunhas delas afectadas polos fungos que tanto temíamos… así que, habedes perdoar as chatas que amosan!
No peirao de Batería do porto da Coruña celebrouse a exposición Untold Stories entre o 4 de decembro de 2021 e 30 de marzo de 2022 do fotógrafo Peter Lindberg.
O percorrido iníciase en contedores portuarios que funcionan como “camiño” á nave principal. Antes de entrar atravésase un corredor con fotografías retroiluminadas con textos sobre Lindberg no pre-montaxe ” Raw Beauty”.
Segundo Benjamin Lindberg, fillo do fotógrafo, o recinto onde se mostra é un espazo tan grande como o que se concibiu para o inicio da exposición, que foi o porto de Düseldorf.
A exposición propiamente dita repártese en dúas salas: unha en negro, completamente ás escuras, onde se mostras os vídeos dos traballos do fotógrafo e outra completamente iluminada, con paredes en branco onde se poden ver as fotografías seleccionadas.
Só hai dúas imaxes en cor: unha fotografía de comida, feita por encargo para unha revista e un vídeo chamado Testament, que é unha plano-secuencia de 30 minutos dun preso do corredor da morte nunha prisión de Florida mirándose ao espello detrás do cal está a rodar o fotógrafo.
Por outra banda, a montaxe presenta outro lugar de interese: Un silo de Cementos do Cantábrico acondicionado como cafetería e tenda de recordos.
Se un paséase polo peirao de transatlánticos do porto da Coruña pode facer fotos como estas.
O Independence of the Seas é un barco cruceiro de clase Liberdade operado pola liña de cruceiros Royal Caribbean, o cal entrou en servizo en abril de 2008. O barco de 15 cubertas pode acomodar 4,370 pasaxeiros e está servido por 1,360 tripulantes. O barco foi construído no estaleiro Aker Finnyards Turku, Finlandia O cruceiro ten339 m de lonxitude, e alcanza unha velocidade de 21.6 nós (40.0 km/ h). O barco opera en Fort Lauderdale, Florida durante Outono e Inverno e en Southampton, Inglaterra durante os meses de Primavera e Verán.
O Independence of the Seas é o terceiro barco da clase Liberdade. En outubro de 2009, o Oasis of the Seas, o primeiro barco da clase Oasis, que iniciou a súa primeira viaxe o 1 de novembro de 2009, desprazou á clase Liberdade como o barco de pasaxeiro máis grande do mun
do.(Wikipedia)
