Viaxe arquivos - Ollo de Vidro

Viaxes no Tempo: 1993 Camiño de Santiago

Nun outro exercício de saudade, nunha outra reviravolta no tempo e no espazo, recuamos á viaxe onde percorrimos parte do Camiño de Santiago, aló no lonxano 1993. Só van aló uns trinta anos!

Vai unha pequena escolma de insta´ntáneas que preservan anacos desa memoria parcial coa que imos mantendo a coherencia do que somos.

Pamplona

Nájera

Logroño

Eunate

Estella

Salas de los infantes

Covarrubias

Burgos

León

Vilafranca do Bierzo

ALGARVE

Rexión en Portugal O Algarve, a rexión máis meridional de Portugal, é coñecido polas súas praias mediterráneas e os seus centros turísticos de golf. As aldeas pesqueiras encaladas nos cantís baixos, con vista ás caletas de area, transformáronse na década de 1960 e agora a súa costa central entre Lagos e Faro está bordeada de vilas, hoteis, bares e restaurantes. A costa do Atlántico no oeste da rexión e o escabroso interior están menos desenvolvidos.

Viaxes no Tempo: 1989, Estrasburgo

De novo un chimpo no tempo, a desempoeirar no arquivo da memoria, a mexer nas acordanças xá lonxanas. Desta volta en Estrasburgo (Strossburig en alsaciano, Strasbourg en francés), na Alsacia, capital da Rexión administrativa do Baixo Rin (o centralista Estado francés suprimíu toda referencia ás entidades históricas, renomeándoas e variando as división administrativas, co gallo de favorecer a idea do Estado-Nación ou “Nación única”. No breve reinado de Pepe Botella tiñan o mesmo proxecto para implementar na Península Ibérica).

Viaxes no Tempo: Buda Pest

Un clic, e a imaxe torna historia. A instantánea dunha viaxe, realizada hai tempo, é un arquivo da memoria, un retrotraérmonos a épocas pretéritas e espazos que xá non son coma foron. Mesmo muda nunha Viaxe no Tempo.

Hoxe a machina do tempo aponta á recuada data do 1989, nas coordenadas de Budapest, daquela capital da Československá republika (República Checoslovaca). País hoxe inexistente pois, non sen moita reviravolta, (mas con fondo senso democrático, que xá quixeramos na “pel de touro”), escindíuse en dous: a República Checa e a República Eslovaca.

Lembranzas, logo, dun tempo e dum país que son historia. Lembranza de vellos.

SOÑOS DE CRISTAL

Desde que descubrín que a mellor forma de viaxar, a máis cómoda, a máis emocionante e a máis fotográfica era o tren, non deixei de facelo. Cada viaxe en tren paréceme chea de posibilidades, preguntas e novas fotografías. Encántame mirar ao meu redor e ver á xente que me rodea, e como cando comeza a viaxe, comezan a soñar, xa que ao mirar pola fiestra deixan voar a súa imaxinación, quizais triste ou quizais feliz, quizais con esperanza ou sen ela … Nunca o saberei, porque só eles son os donos dos seus soños.

[FGAL id=3782]

Etiqueta: Viaxe

Viaxes no Tempo: 1993 Camiño de Santiago

ALGARVE

Viaxes no Tempo: 1989, Estrasburgo

Viaxes no Tempo: Buda Pest

SOÑOS DE CRISTAL

Uso de cookies