O Castro de Viladonga está situado no Noroeste da Terra Chá de Lugo, a 23 km da cidade de Lugo. Trátase dun conxunto arqueolóxico con xacemento e museo monográfico de época tardorromana entre os séculos II e IV d.C. Ten varias murallas e foxos.
Este Castro está a 550 m. de altitude aproximadamente, no cumio dunha montaña moi próxima á serra de Meira, é un castro característico de tipo noroeste. As escavacións comezaron en 1971 e aínda se seguen traballando en épocas esporádicas, onde se seguen realizando escavacións.
Está formado por dous antecastros ou socalcos naturais e unha gran acrópole na parte central, todo rodeado de murallas e foxos. A muralla está formada en realidade por varios, cos seus correspondentes foxos. Na parte central do Castro podemos ver as vivendas e edificios que se descubriron ata o momento, tamén almacéns, currais e outras edificacións arredor das dúas rúas principais, formando barrios ordenados.
Pola súa forma defensiva e polo atopado ata este momento, podemos deducir que era un lugar onde habitaba habitualmente a xente, o que o fai moi interesante para o estudo daquela época e dos seus castros.
