As sombras sempre me atraeron. 
Un fotógrafo persegue a luz, si, pero tamén a súa ausencia, é dicir, as sombras.
Suxiren, meigan, atraen, lévanme a pensamentos menos terreais e aumentan a miña fantasía. 
E coma sempre, gústame soñar, imaxinar e expresarme a través das miñas fotos.

"O que normalmente se chama fermoso non é máis que unha sublimación das realidades da vida, 
e foi así como os nosos devanceiros, obrigados a residir, querían ou non, en casas escuras, 
descubriron un día a beleza no seo da sombra e pronto usaron a sombra para obter efectos estéticos "
(Eloxio da sombra: Junichiro Tanizaki)